श्वानोपदेश

स्विस गिअर

2010-07-29T09:51:00.000-07:00

प्रवासात स्विस गिअरची बॅकपॅक/सॅक/दप्तर वापरावे. ओझे कमी वाटते.

एवढे बोलून मी माझे उपदेशाचे दोन शब्द संपवतो.

धन्यवाद.

माजहरण

2010-06-29T20:15:00.000-07:00

प्रत्येकाचे एकदिवस माजहरण होते.

कुठे परगावी जाताना चार पैसे जास्त ठेवावेत जवळ. परदेशी जात असल्यास एखादे जादाचे क्रेडीट कार्ड बरोबर ठेवावे. आम्ही शंभरदा एका कार्डवर देशीपरदेशी जावून आलो आहे अशा माजात राहू नये.

भाजी

2009-12-31T16:57:00.000-08:00

कोबी आणि वांगे यांची एकत्र भाजी करु नका.

अवतार

2009-12-22T23:35:00.000-08:00

ऐपत असूनही अवतार सिनेमा न पाहिल्यास अवतारकार्य आटोपते घ्या.
*
वरच्या वाक्याचा अर्थ हा की, शक्यतो अवतार सिनेमा बघा. बघायला नाही जमलं तर राहू द्या, काही हरकत नाही, उगाच मरुबिरु नका तेवढ्यासाठी, आमच्या डोक्याला ताप व्हायचा.
स्पष्ट केलेले बरं असतं हो, पूर्वीचे उपदेश लिहीणारे स्पष्टीकरणं नाही द्यायचे आमच्यासारखी आणि मग आता भांडतात लोकं.
***

आजारी रजा संपवा

2009-12-16T21:20:00.000-08:00

डिसेंबरमधे आजारी रजा संपवा. सगळ्या संपवल्या नाहीत तरी चालेल, निम्म्या संपवा. फायरींग होत आहे म्हणून घाबरु नका.

काम

2009-12-11T10:27:00.001-08:00

शुक्रवारी काम करु नका**

**(उपदेश फक्त आयटीवाल्यांना लागू)

तात्कालिक उपदेश

2009-12-06T12:12:00.000-08:00

खालील चित्रपट बघणे टाळा -
२०१२
निन्जा असॅसिन
ट्विलाईट सेगा - न्यू मून

अतिरेक टाळा

2009-12-01T18:17:00.000-08:00

अनेक संतमहात्म्यांनी सांगितले आहे तेच - कुठल्याही गोष्टीचा अतिरेक करु नये.

[उदाहरणार्थ, ग्लिस्टरीन दात चांगले ठेवते व ते आवडते म्हणून गुळण्या करताना त्यांनी सांगितलेले प्रमाणच घ्यावे - अजून थोडे, अजून थोडे असे करत जास्त होते मग ते गिळले की दिवसभर उलट्या !]

चाय लॅटे

2009-11-21T11:09:00.000-08:00

तुम्ही कपॅचिनोचे फॅन असाल तर केवळ लोकाग्रहास्तव ‘इंडियन चाय लॅटे’ नावाचा भीषण प्रकार पिवू नका.

वाहन

2009-11-07T13:35:00.000-08:00

बरेच दिवसांनी गाडी चालवत असाल तर जरा सांभाळून चालवावी

बचत

2009-11-02T12:42:00.001-08:00

नियमित बचत करत या.

[नियमित बचत करत जा नव्हे. जाता कुठे आता आणि]

खरेदी

2009-10-30T07:25:00.000-07:00

विक्रेता हा एक निरागस छोटा मुलगा आहे म्हणून उगाच काहीही विकत घेवू नये

लिफ्ट्मधे नीट वागा

2009-10-28T13:19:00.000-07:00

लिफ्ट्मधे उगाच लहान मुलासारखे हे बटण दाब, ते बटण दाब असले चाळे करु नयेत.

महत्वाचे तत्व

2009-10-27T11:36:00.000-07:00

जिच्यावर कायम अन्याय होतो अशा आपल्या जवळच्या व्यक्तिकडून दुसऱ्या कुणा परक्यावर अन्याय झाल्यास बिनदिक्कत आपल्या जवळच्या व्यक्तिला पाठिंबा द्यावा.
आपल्या माणसांच्या बाबतीत दर वेळेला काही योग्य-अयोग्य पाहिलेच पाहिजे असे नाही.

कठीण प्रसंगी

2009-10-27T11:33:00.000-07:00

कठीण प्रसंगी शांत चित्ताने, विचार करुन वागावे.

काम

2009-10-23T07:22:00.000-07:00

काम आपल्या आवडीचे असो वा नसो, आपल्याला करावयास दिले असल्यास ते मनापासून करावे.

[ज्याने माहित असूनही आपल्या नावडीचे काम दिले त्या साहेबाचे नाव लक्षात ठेवावे]

खाणे

2009-10-22T10:37:00.001-07:00

उगाच भूक नसताना खाऊ नये.

[तहान नसताना प्याले तर चालते]

आपले काम

2009-10-22T01:29:00.001-07:00

आपले काम सोडून, केवळ सुंदर दिसते म्हणून एखाद्या मुलीचे काम करु नका.

[मुलींनो तुम्ही आपले काम सोडून हँडसम/नॉन-हँडसम मुलांची कामे केलीत तरी चालेल]

झोपताना घ्यावयाची काळजी

2009-10-21T01:00:00.000-07:00

झोपताना मानेखाली दोन उश्या घेऊ नयेत

आवरणे

2009-10-19T23:07:00.000-07:00

सकाळी उठल्यावर पटापटा आवरावे.

[डाराडूर झोपून दुपारीच उठला आता तुम्ही तर काही गरज नाही पटापटा आवरायची, चालू द्या नाचणीची मळणी मग]

जागरण

2009-10-19T16:22:00.001-07:00

जास्त जागरण करु नये.

दु:स्वास

2009-10-19T12:52:00.000-07:00

दुसऱ्याचा दु:स्वास करु नये.

[दुसरा तुमचा दु:स्वास करत असला तर त्याला तिसरा/चौथा माना]

[तरीपण अगदी दुसऱ्याचाच दु:स्वास करायचा असला तर करा पण जगाला कळू देवू नका]

वागणे

2009-10-19T12:40:00.000-07:00

शहाण्या मुलासारखे वागावे.

[मुलींनो तुम्ही याचा अर्थ शहाण्या मुलींसारखे वागावे असा घेवू नका. शहाण्या मुलीसारखे वागलात तरी ते वेड्यासारखेच होईल म्हणून शहाण्या मुलासारखेच वागावे, हा हा हा]