राजकारणादर

राजकारणी लोकांचा आदर करायला शिका - सगळ्याच पार्ट्यांचे. चूकीचे वागतात, ना नाही - पण खूप काम करतात हो ते. वर जरा शब्द इकडचा तिकडं झाला तर लोकांच्या शिव्या. विनोद करायची तर सोयच नाही.

टिव्ही

टिव्ही सुरू असला तर - जवळून बघू नका, चष्मा लागयची शक्यता असते.

(टिव्ही बंद असला तर नक्कीच जवळून बघा - कुठे कुठे धूळ साचली आहे ते दिसेल.)

से नो टू "सेवे" सी

सेवेसी शब्द शक्यतो टाळा. ते लांबून (किंवा जवळूनही) सेक्सी लिहीलयं असं वाटतं. 

निवडणूकीच्या दिवसात तर अजूनच गोंधळ - आपल्या सेवेसी तत्पर, ते मी वाचलं - आपल्या सेक्सी तत्पर. वाटल्यास सेवेसाठी म्हणा.

काय एकेक सामाजिक अलिखीत नियम

ॲपेरंटली, स्वयपाकघरात कुणी पाहुणे उभे/बसले असल्यास सिंकमधे विसळायला ठेवलेले भांडे* उचलून त्यातून पाणी पिवू नये.

* काही लोक फुलपात्र म्हणतात तेच ते, गोल छोटे भांडे.

क्योंकी खंडूभी कभी पांडू था

जर (तुम्ही निमशहरी-निमग्रामीण वातावरणात वाढला असाल && तुम्ही नेमाडेंचे चाहते असाल && रूम घेवून कधी घराबाहेर राहिला असाल)

{

    हिंदू वाचू नका. लहानपणापासून पाहिलेल्या, ऐकलेल्या त्याच त्याच गोष्टी कादंबरी म्हणून टाकल्या राव.

}

- तरी आम्ही नेमाडेंचे भक्त बरं का !

राष्ट्रीय पक्वान्न

२६ जानेवारी आणि १५ ऑगस्टला जिलबी खा.

गुडी-गुडी

चार-पाच वर्षांपूर्वी गाडीला हेल्मेट तसेच ठेवले तर चोरीला जायचे, हल्ली जात नाही.

नाऊ यू आस्क - उपदेश काये?

>>

आजूबाजूच्या अशा चांगल्या घटनांची नोंद घ्यावी आणि गुड-गुड म्हणावे. 

हा आहे उपदेश.