Saturday, November 11, 2017

काय एकेक

सिंकमधे थुंकायचे नसते, बेसिनमधे थुंकायचे असते.

Proximity Problem

सिंकशेजारी वॉशिंग मशीन ठेवू नये, कपडे धुवायला टाकताना एखादवेळेला माणूच मशीनमधे थुंकून सिंकमधे कपडे टाकू शकतो. मग ह्याला निरागस चूक न समजता लोक राडावतात. (रागवण्याच्या पुढची स्टेप.)

Wednesday, February 15, 2017

राजकारणादर

राजकारणी लोकांचा आदर करायला शिका - सगळ्याच पार्ट्यांचे. चूकीचे वागतात, ना नाही - पण खूप काम करतात हो ते. वर जरा शब्द इकडचा तिकडं झाला तर लोकांच्या शिव्या. विनोद करायची तर सोयच नाही.

Thursday, February 9, 2017

टिव्ही

टिव्ही सुरू असला तर - जवळून बघू नका, चष्मा लागयची शक्यता असते.
(टिव्ही बंद असला तर नक्कीच जवळून बघा - कुठे कुठे धूळ साचली आहे ते दिसेल.)

Tuesday, February 7, 2017

से नो टू "सेवे" सी

सेवेसी शब्द शक्यतो टाळा. ते लांबून (किंवा जवळूनही) सेक्सी लिहीलयं असं वाटतं. 
निवडणूकीच्या दिवसात तर अजूनच गोंधळ - आपल्या सेवेसी तत्पर, ते मी वाचलं - आपल्या सेक्सी तत्पर. वाटल्यास सेवेसाठी म्हणा.

Wednesday, February 1, 2017

काय एकेक सामाजिक अलिखीत नियम

ॲपेरंटली, स्वयपाकघरात कुणी पाहुणे उभे/बसले असल्यास सिंकमधे विसळायला ठेवलेले भांडे* उचलून त्यातून पाणी पिवू नये.

* काही लोक फुलपात्र म्हणतात तेच ते, गोल छोटे भांडे.

Monday, January 30, 2017

क्योंकी खंडूभी कभी पांडू था

जर (तुम्ही निमशहरी-निमग्रामीण वातावरणात वाढला असाल && तुम्ही नेमाडेंचे चाहते असाल && रूम घेवून कधी घराबाहेर राहिला असाल)
{
    हिंदू वाचू नका. लहानपणापासून पाहिलेल्या, ऐकलेल्या त्याच त्याच गोष्टी कादंबरी म्हणून टाकल्या राव.
}
- तरी आम्ही नेमाडेंचे भक्त बरं का !

राष्ट्रीय पक्वान्न

२६ जानेवारी आणि १५ ऑगस्टला जिलबी खा.

Monday, January 16, 2017

गुडी-गुडी

चार-पाच वर्षांपूर्वी गाडीला हेल्मेट तसेच ठेवले तर चोरीला जायचे, हल्ली जात नाही.
नाऊ यू आस्क - उपदेश काये?
>>
आजूबाजूच्या अशा चांगल्या घटनांची नोंद घ्यावी आणि गुड-गुड म्हणावे. 
हा आहे उपदेश.

साजणा दिवाणा बहिष्कारणा

साजण आणि दिवाणा या शब्दांचा मराठी गाण्यात अथवा वाक्यात वापर करु नये. प्लीज-हो-प्लीज, असे करु नका. लय घाण वाटते ऐकायला.

*दुसर्‍या भाषेतले बाकी हवे तेवढे शब्द वापरा, माझी ना नाही, उलट प्रोत्साहन देईन मी. पण हे वरचे दोन नको हां.